Jæja þá ætla ég að segja bless við þetta blogg.... kominn tími til að prufa eitthvað annað bullumsull!!    nýja slóðin mín er:

www.123.is/gunsig

Ég þakka samstarfið undanfarin ár og óska ykkur góðs gengir í framtíðinni.. whaaat.. sjáumst hinum megin

takk

Hvernig er það... er einhver stemmari á EGS á morgun?  Ætti maður að kíkja!

Jæja... nóg búið að vera að gera þessa dagana... eða síðustu vikurnar!  Er að leysa Jón Ægi af með markaðinn og svo er ég í þorrablótsnefnd svo það er ekki mikið stoppað á daginn.. söss.. bara gaman af því.
Já þorrablótið er semsagt næstu helgi og hlakkar mér gríðarlega mikið til þar sem ég missti nú af þorrablótinu í fyrra þar sem ég var staddur í Danaveldi... væri samt alveg til í að vera þar.

Já það er komið nýtt ár og læti.. það er rétt... Skemmtilegt ár að baki og aldrei að vita nema ég skelli inn smá yfirliti yfir síðasta ár hérna! 

Já ætlar fólk ekki að koma á þorrablót hvernig er það nú??

Svo er ég að fara að sækja um íbúð þarna í Grafarholtinu á sama stað og Njalli, Gummi, Ragnar og þau eru.  Ég og Rabbi ætlum að leigja saman og fara báðir í FB og læra rafvirkjun.  Svo mér líst helvíti vel á þetta allt saman, er farið að hlakka mikið til að fara í bæjinn þó ég viti að ég eigi eftir að sakna Congo alveg gríðarlega.  

Hvað um það... með þessi komment öll hérna í síðustu bloggfærslu! Svo ég vill að menn gefi sig fram.  Ég er búinn að láta þau hjá Simneti vita af þessu og þau munu væntanlega hafa upp á þessum aðilum og undirbúa þess vegna lögsókn... svo þetta er alls ekkert grín sko.                 nii...

Jæja lömbin mín ætl ég fari ekki bara að lúlla í helvítis hausinn á mér... alveg kominn tími til held ég. 

Góða nótt

Siggi Már segir að ég sé leiðinlegur bloggari því ég nenni ekki að blogga.  Er það satt ... nii... ég bara trúi því ekki... mamma hefur alltaf sagt að ég sé best gefni strákurinn í skólanum og ég hef allavega trúað henni fram að þessu!

jæja, mér er orðið óglatt þar sem kisa er með graftarkíli á maganum.

ókey bless

Jæja gott fólk... hvernig hafið þið það? Hress eftir jólin vænti ég.  Ég fer að henda inn á þetta bloggfærslu.

Ég er búinn að búa mér til myspace síðu fyrir þá sem hafa áhuga... slóðin er:
www.myspace.com/gunnarsig

bless í bili... endilega commentið eitthvað skemmtilegt

kv. Gunnar

Gleðileg jól allir saman

Ég þakka allt liðið og hafið það sem allra best yfir jólin

Kær jólakveðja

Gunnar Sigvaldason

Já það hefur mikið verið að gera hjá manni að undanförnu.  Er búinn að fara tvisvar niður í Löngubúð og lesa upp úr einhverjum bókum á svona upplestrardæmi einhverju... það var reyndar bara mjög gaman... skemmtileg reynsla.  Síðan hefur maður dressað sig upp í rauðan búning með poka meðferðis og glatt nokkra krakka.    Svo var náttúrulega rokkshowið haldið aftur 16. des og mættu um 60 manns, sem við vorum mjög sáttir með.  Þetta var þvílíkt gaman, góð stemmning í salnum og maður náði nú að koma þeim til að hlægja annars lagið    Svo vorum við Ýmir að spila á barnum eftir það frá 1 til 3.  Það myndaðist helvíti skemmtileg stemmning þegar líða fór á kvöldið og bar gott um það að segja... Skúli reyndi nú samt eitthvað að sýna sönghæfileika sína þarna þegar ég skrapp á WC og ekki leið að löngu þar til Árný systir hans bættist í hópinn.  Þá ákvað Þórir að loka barnum til frambúðar.  Nii... segi svona... þetta var bara gaman.  Síðan var farið í eftirpartý til Ýmis og Lísu eftir á sem heppnaðist bara svona helvíti vel.  Steinar sat reyndar mest allan tímann fyrir framan Nintendo tölvuna að reyna að vinna fyrsta heiminn í Mario Bros III.  Það tókst ekki þrátt fyrir maaaargar tilraunir.. gott.

Svo jólin bara að koma... ótrúlegt.  Ég ætla að skella mér á Egs á þorláksmessu og klára þessi innkaup.  

Hvernig er það... Hvert á að fara á ball annan í jólum???

Jæja ég ætla að fara að sofa í hausinn á mér...

góða nótt

kommentið!!

Jæja þá hefur maður verið í allan dag að skera laufabrauð.  Alltaf kemst maður í jólaskap við það... hlusta á jólalög og ekki skemmir fyrir snjókoman sem er úti... allt orðið voðalega jólalegt eitthvað.  Samt kemst ég nú aldrei í eins mikið jólaskap og þegar mamma steikir rjúpurnar á þorláksmessu... ahh.

Steinar Smári bara kominn til Íslands og hefur drengurinn ekkert breyst... bætt á sig nokkrum freknum þarna í sólinni í Barcelona.  Jú hann hefur reyndar breyst að einu leiti... hann lítur alveg eins út og Forest Gump... haha það er þess virði að rúnta á Djúpavog og sjá nýju klippinguna hans!

Er núna að velta því fyrir mér hvað skal gera í kvöld... hvort maður eigi að fara á seyðisfjörð, er víst eitthvað ball þar, orðið allt of langt síðan maður hefur farið eitthvað að djamma með austfirðingum!!  Ætli þetta endi ekki með því að við förum að spila eitthvað í kvöld og drekka nokkra bjóra... gaman af því samt!

En hvernig er þetta, er ekki stemmari að fara á eitthvað ball annan í jólum.  Ég hef nú heirt að það verði kanski ball í Valaskjálf sem yrði algjör snilld!! 

Já svo hef ég eiginlega ákveðið að fara í FB næsta haust og nema þar rafvirkjun!  Er það ekki bara fínt... jújú   Stefnan er svo að fara í eitthvað framhaldsnám eftir það, kanski tæknifræði eða eitthvað í þá áttina.  Rosalega væri líka gaman að reyna við inntökuprófið inn í leiklistaskólan... ef maður hefur þá einhvern sjens

Jæja svo fara bara allir að koma heim í jólafrí svo það verður vonandi skemmtilegt hérna um jólin... trúi ekki örðu, ansi margir snillingar sem eiga leið heim bráðlega

Gunnar kveður að sinni

Allt gott að frétta, er að fara að lesa upp úr einhverri bók í kvöld í Löngubúðinni.  Reyndar ekki bara einhverri bók heldur nýju bókina hans Jóns Gnarrs.  Áhugavert... aldrei hef ég prufað eitthvað svona áður, en bara gaman að prufa eitthvað nýtt.

Í gær fór ég í safaríferð og sá þar fullt af fílum... þeir voru flottir, síðan dóu þeir.

bless

Já langt síðan maður hefur bloggað.  Það er búið að vera svo mikið að gera og blabla.  

Ég skellti mér nú til Danmerkur 11 nóv ásamt Ými, Lísu og Sissó.  Jónína býr náttúrulega í Dk svo við hittum hana þar.  Hópurinn mættur aftur saman.  Þetta var geggjuðferð.  Mikið drukkið af Tuborg og Jule Tuborg.  Maður hitti svo marga í Kaupmannahöfn sem voru með okkur í Ryslinge Hojskole, fórum oft á kaffihús og sonna og þau buðu manni í mat og maður veit ekki hvað og hvað.  Ég lenti í heldur betur furðulegri lífsreynslu þarna úti.  Ég fór inn í einhverja fatabúð sem heitir Robert, og var hún tvískipt.  Ég var að leita mér af einhverjum bolum og sonna og fann þarna einn XXL bol sem ég taldi vera mjög svo mátuleg stærð fyrir mig.  En hvað svo... ég tók bolinn upp og breyddi úr honum... eða "honum" frekar "þessu", þessu svaka tjaldi.  Öll föt sem ég fann í þessari búð voru of STÓR!!  Þetta er eitthvað sem ég hef aldrei lent í, yfirleitt eru fötin og lítil... en jæja ég frelsaðist þetta augnablik og fór glaður út úr búðinni, fullur lífshamingju með engin fatainnkaup.
Ég gekk síðan út úr búðinni sem heitir Róbert og var hinum megin við götuna búð sem heitir Oskar. Skemmtileg tilviljun, ég fór þangað inn og allt var og lítið.  Ég fór heim.

Svo fórum við nátturulega í heimsókn í skólann á laugardeginum.  Vorum svona frekar sein í því... jæja rétt náðum matnum.  Shit hvað það var gaman að hitta alla þessa pottorma aftur.  En já við urðum líka að fara svo snemma heim það var nú gallinn.  Þurftum að fara með taxa klukkan sjö um morguninn eftir.  Ég brá á það ráð að fara bara ekkert að sofa, heldur var bara djúsað til klukkan sjö.  Veit ekki hvursu gáfulegt það var því ég var nú ekkert voðalega gáfulegur þar til ég náði nú að sofna aðeins í flugvélinni.  Blindfullur að taka tvisvar taxa og tvær lestir þar sem ég eignaðist nýja vinkonu... jahh nýja... frekar gamla... hún var sennilegast áttræð.  Hún þurfti endilega að setjast við hliðina á mér af öllum tómu sætunum í lestinni og reyna að spjalla eitthvað... ég frekar fullur eitthvað að röfla í henni... hehh gaman af því.

Í gærkvöldi var árshátíð hjá frystihúsinu, og var öllu fólki ásamt mökum boðið á jólahlaðborð.  Geggjaður matur verð ég nú að segja.  Er sennilegst ennþá saddur.  Svo var ég beðinn um að skemtma aðseins.  Tók nokkur lög og bullaði eitthvað. 

Já svo er bara farið að styttast furðulega mikið í þessi jól.  Finnst nýbúin að vera jól.  En jæja það er alltaf gaman þegar jólin eru að koma.  Helvíti mikið líka alltaf að gera í vinnunni.  Ætli það sé bara ekki málið að fara að spara aðeins og fara að huga að því hvað ég ætla að fara að læra næsta haust.  Reyna að finna sér íbúð í bænum og sonna.  Vantar meðleigjanda, svo áhugasamir endilega látið vita 

Jæja best að fara að gera ekki neitt...

vi ses

Já ég ætla að blogga á morgun um danmerkurferðina...

Já ég er búinn að sitja hérna við tölvuna og skoða gamlar myndir úr ME og frá ýmsum djömmum og viðburðum síðustu 5 ár.  Vá hvað þetta var skemmtilegur tími.  Svo ætlaði ég að setja inn fullt af myndum en það bara virkar ekki. 

Allir þeir sem eiga gamlar og skemmtilegar myndir frá þessum tíma ENDILEGA verið góð og sendið mér eitthvað.  Það yrði geggjað. 

Annars er allt gott að frétta af mér.  Er að fara til Danmerkur eftir 9 daga og er bara orðinn helvíti spenntur.  Þarna verður allt gengið sem maður var með í líðháskólanum.  Ætla að spóka mig um í Kaupmannahöfn fyrstu helgina og hluta af vikunni síðan færa sig um set eitthvað á Fyn eða Jótland.. veit bara ekkert hvernig við höfum þetta. 

En já endilega fylgist með hérna... ætla að koma með myndashow hérna á næstunni!

Myndir inni á slóðinni:   http://gunsig.spaces.live.com/
kommentið endilega við myndirnar!
Ég mun setja fleiri myndir inn seinna!

kv.Gunnar

DJÖÖÖÖÖÖÖFULL!!!!!!!!!!!!!!!!!!!!!!!!!

Var náttúruelga búinn að skrifa þvílíkt langan texta hérna sem síðan allt í einu bara hverfur... Samt kópiaði ég hann!

AAAARRGG... jæja ég var bara að röfla eitthvað samt, kanski ykkur bara til lukku að þetta hvarf.

Ég var svona aðallega að tala um það sem hefur komið á daginn hjá mér.  Nú er náttúrulega allt að fara á fullt í sambandi við sviðamessuna.  Næsta vika verður sennilegast strembin en skemmtileg.  Það er bara svo gaman að vera á fullu í einhverju svona félagslegu.  Víst maður er nú ekki lengur að stússast í leikritum hjá LME sem ég sakna vissulega þá er svo gaman að hafa einhver svona verkefni.  Vill bara enn og aftur kvetja alla þá sem lesa þetta til að koma á sviðamessu. 

Kíkti á barinn í gær með góðum og fallegum hóp af ungu fólki, kanski fyrir utan Stebba kennara, hann er ekki ungur lengur, hann er orðinn að Stebba með skeggið  Það rættist bara úr þessu, fórum svo í partý til Ara Guðjóns eftir á og vorum þar sennilega til klukkan að verða sjö.  Hlustuð mikið á Bubba og þá sennilegast svona þrjátíu sinnum á lagið Mási, Rabba til mikillar hamingju.  Enda er þetta lag helvíti gott, þá aðallega textinn, þvílíkt meistaraverk.

Gerði smá myndadrasl hérna á síðunni. Það er linkur neðst niðri til vinstri þar sem ég mun fara að hlaða inn myndum.

Jæja ég er farinn að sofa...

Bueno notshes (hvernig í andskotanum sem þetta er skrifað)

Gunnar....

p.s. ég sá einu sinni karfa sem síðan varð flakaður!

Já heil og sæl.  Margt hefur drifið á daginn hjá Gunnari Sigvaldasyni.  Síðustu helgi fór hann á ball á Fáskrúðsfirði sem var þvílíkt gaman segir hann.  Þar hitti hann mikið af skemmtilegu fólki og voru þar einnig stúlkukindur er heita Katla og Oddný.  Rúntaði hann með þeim og drakk mjöðinn sinn og hafði hann gaman af.  Á ballinu var.... ?!?  vaknaði klukkan 2 daginn eftir.

Hann er á fullu að undirbúa handrit eða hvað semþað kallast fyrir rokkshow sem haldirð verður hérna á Djúpavogi 28. okt.  Þetta er hin árlega Sviðamessa eða Hrekkjavaka sem haldið verður og mun þar vera breytt út af venju í stað þess að vera með hefðbundin skemmtiatriði verður í staðin rockshow eða eitthvað þess háttar og mun Gunnar verða svokallaður kynnir á því.  Hanns mission er víst að koma fólki til að hlægja og láta það hafa gaman af.  Vonandi að honum takist það blessuðum. 

Hann er að öllum líkindum að fara til Danmerkur 10 nóv og vera þar fram til 19. janúar 2007... nei hann lígur því bara, hann ætlar semsagt að vera þar til 19. nóv og ná semsagt tveimur helgum.  Hann er nefnilega að fara á reunion eða endurfundi eins og Gísli heitinn í Uppsölum hefði orðað það, með Ryslinge Hojskole, líðháskólanum sem hann ásamt þeim var í frá janúar síðastliðnum fram í ágúst síðasliðinn, nei hann lýgur því náttúrulega, fram í júní síðastliðinn. 

Takk fyrir hann, heirið í honum seinna.

p.s.  Hann hvetur alla til að koma á Hrekkjavöku því þeir verða ekki sviknir sem mæta, því lofar hann.  Fylgist einnig með fréttablaðinu þann 19. eða 20. eða guð veit hvenær, þar kemur smá grein um hrekkjavökuna sem var tekin við hann í dag.  Ekki samt beint viðtal heldur hitt.     Þóristaðarvatn liggur suðaustan af vatnajökli og býr þar á botninum Sigtryggur svifdýr sem hefur í marga áratugi barist í verkalýðsbaráttu órangúta. Hann fann hjólreiðapumpuna sem hann týndi eftir skeiðarárhlaupið 96 eftir mikla leit.  Pumpan hafði legið bak við stein allan þennan tíma og getur hún enþá pumpað þrýstingi sem nemur 79 pundum.

amen

Jæja Margrét segir að ég sé svo lélegur bloggari svo ég neiðist til að blogga eitthvað.
Síðasta helgi var snilld verð ég nú að segja.  Það var haldið vísnavinakvöld í löngubúð, og þar sem ég er orðinn svona hálfgjör "formaður" vísnavina í óákveðinn tíma á meðan formaðurinn er í einhverju frýji þá varð maður náttúrulega að taka þátt og vera með.  Bara hafa eitt á hreinu, vísnavinir er ekki eitthvað félag sem kemur saman og semur vísur og ljóð.  Vísnavinir er skemmtifélag sem sér um ýmsar skemmtanir.  En svo ég komi mér nú að efninu þá er þetta svona frekar mjúkt og þægilegt viðkomu, er notað í hinn ýmsa fatnað og er mjög vinsælt efni... allavega...   Ég ákvað að syngja annað lag með Baggalút, ég hef nefnilega verið að syngja "hún er stúlkan mín" svona annars lagið og er það lag þvílík snilld.  Ég söng lag sem heitir "sumarfrí" og er á nýja disknum þeirra... þvílíkir snillingar eru þessir menn!!  Allavega þetta gekk mjög vel held ég, fólk klappaði mann allvega upp tvisvar... ekki má gleyma því að Ýmir spilaði undir á gítarinn.  Eftir allt þetta dæmi héldum við nokkur niður á hótel þar sem var í gangi árleg svallveisla framsóknarflokksins... nei segi svona.  Allavega var fundur á vegun framsóknarflokksins haldinn á Djúpavogi vegna 10 ára afmæli Eysteins Jónssonar sem var meðal annars yngsti Íslendingurinn til að verða ráðherra, hann semsagt var frá Djúpavogi.   Þetta var noðrvestur kjördæmið og voru þarna snillingar á borð við Halldór Ásgrímsson, Valgerður Sverrisdóttir, Bikir Jón Jónsson, Dagný Jónsdóttir og margir fleiri.  Ég og Jói fórum þarna á röltið og spjölluðum við mann og annan, töluðum slatta við Jón Kristjánsson fyrverandi heilbrigðisráðherra um hitt og þetta, aðallega hvaða fræga fólk hann hafi hitt og eitthvað, um þetta spjölluðum við meðan hann skellti í sig tvöfölum vodga í sprite í boði Dóra Skarp.  Svo næst röbbuðum við við hana Valgerði um Georg Bush og sonna... helvíti gaman, hún tók mynd af okkur ásamt Ingunni... held það hafi samt verið vegna öfundar á brjóstunum á Ingunni... maður veit samt aldrie..   Það sem toppaði samt kvöldið fyrir utan einhvern helvítis söng í mér með míkrafón sem var þarna við sviðið, þá var það þegar Jói kom æstur hlaupandi til mín og sagði; "Nauhh... Er Björgvin Halldórsson hérna líka???"  og benti á mannin sem stóð mér á hægði hlið.  Þá kom strax prakkari í mig og ég sagði "Já, varstu ekki búinn að hitta hann?"  jói bara "neiii!!"  Hann fór beint til hans og heilsaði honum og ég hló svo mikið að ég gat ekki andað því þetta var pabbi hans Antons sem er samt svo helvíti líkur honum Bó... hahahaha... ég hef ekki hleigið svona mikið lengi!

Nóg af þessu bulli... nú vill ég fá svör.  Hvað ætlar fólk að gera um helgina?  Er ekki málið að fara á fásk?

Gunnar kveður að finni, nei sinni... haha þvílíkur brandaði!

bæbæ